Policia e Maqedonisë e ka arrestuar një person nga Çairi, i cili dyshohet për kryerje të disa vjedhjeve.
Siç thonë nga MPB, efektivët e policisë të Sektorit për çështje kriminale në Çair dje e kanë arrestuar Sh.A. (37) dhe kanë konfiskuar një automobil “Citroen”, të cilën Sh.A. e ka përdorur për të kryer veprën penale “vjedhje e rëndë”.
Ministria e Punëve të Brendshme njoftoi sot se janë pastruar tre vepra penale “vjedhje të rënda”, të kryera nga Sh.A. dhe se kundër tij do të dorëzohet aktakuzë adekuate.
