Një aksident me pasojë vdekjen është regjistruar në qytetin e Durrësit pak minuta para mesnate.
Siç njofton Policia, rreth orës 23:15, në lagjen nr.6 të qytetit bregdetar, një automjet ka përplasur për vdekjen njël 62-vjeçari, i cili ka qenë duke lëvizur me biçikletë.
Drejtuesi i mjetit nuk është identifikuar ende, ndërsa policia vijon punën për zbardhjen e plotë të ngjarjes.
Policia e Shtetit: Më datë 08.11.2020, rreth orës 23:15, në lagjen nr.6, Durrës, një mjet ende i paidentifikuar, ka aksidentuar biçiklistin shtetasin H. B., rreth 62 vjeç, i cili për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e ngjarjes, identifikimin dhe kapjen e autorit.