Njësiti policor ka arritur që në flagrancë të arrestojë personin e dyshuar duke kryer veprën penale vjedhje e rëndë.
Rasti ka ndodhur mbrëmë rreth orës 23:55 minuta në Ferizaj, në rrugën “Dëshmorët e Kombit” , ku i dyshuari, B.B. (m/kosovar 33 vjeç) me forcë ka depërtuar në një këmbimore për të vjedhur dhe i njëjti është arrestuar në flagrancë nga polica.
Si prova materiale te i dyshuari janë gjetur dhe konfiskuar: 1 llaptop; 2 radiolidhje; 2 zmadhues; 60 euro, 290 lekë ,228 denarë; 6 telefona të ndryshëm; 2 portofola; 1 kaçavidë dhe 1 palë gërshërë.
I dyshuari në prezencë të avokatit ka pranuar në tërësi veprën e kryer dhe pas intervistimit, me urdhër të prokurorit, rasti shkon në procedurë të rregullt.
