Një grua nga Vushtrria ka gjetur të vdekur në oborrin e shtëpisë, një familjar të saj.
Rasti ka ndodhur mesditën e së premtes në rrugën “22 Maji” në Vushtrri, ka bërë të ditur Policia e Kosovës në raportin 24 orësh.
Sipas Policisë, dëshmitarja ka njoftuar se viktimën e ka gjetur të përmbysur në një pusetë në oborrin e shtëpisë.
“Vdekje e dyshimtë-Rr. 22-Maj, Vushtrri 05.03.2021-11:17. Dëshmitarja femër kosovar ka njoftuar se në oborrin e shtëpisë ka gjet të përmbysur në një pusetë familjarin e saj viktimën mashkull kosovar. Në vend ngjarje kanë dalë njësitet përkatëse”, ka bërë të ditur Policia.
Tutje është bërë e ditur se vdekjen e viktimës e ka konstatuar mjeku kujdestar, ndërkaq trupi i pajetë i viktimës është dërguar në Institutin e Mjekësisë Ligjore për obduksion.
“Vdekjen e viktimës e ka konstatuar mjeku kujdestar. Me vendim të prokurorit trupi i pajetë i viktimës dërgohet në IML”, ka bërë të ditur Policia
