Vetura godet për vdekje një 7 vjeçarin në fshatin Rusicovc të Lipjanit

Kronikë e zezë

Vetura godet për vdekje një 7 vjeçarin në fshatin Rusicovc të Lipjanit

Më: 7 prill 2021 Në ora: 18:46
Ilustrim

Një këmbësor ka vdekur në fshatin Rusicovc të Lipanit, si pasojë e goditjes nga një veturë në lëvizje. Për këtë rast policia ka arrestuar ngasësin e veturës.

Rastin e ka konfirmuar edhe Policia e Kosovës.

“Sot rreth orës 16:30, në rrugën Komoran – Carralevë, saktësisht në fshatin Rusinovc, ka ndodhur një aksident trafiku, ku për pasojë një person (këmbësor) ka vdekur”, ka bërë të ditur për media, zyrtarja për informim e Policisë së Kosovës për rajonin e Prishtinës, Flora Ahmeti.

Ahmeti ka thënë se në këtë aksident kanë qenë të përfshirë një automjet i tipit Audi dhe një këmbësor.

“Si pasojë e këtij aksidenti lëndime të rënda trupore ka pësuar këmbësori. S.S (2014), i cili nuk ka mundur tu përballojë plagëve të marra dhe i njëjti rreth orës 17:30, në QKUK, ka ndërruar jetë”, theksoi Ahmeti.

Ajo ka bërë të ditur se ngasësi i veturës A H. 27 vjeç është arrestuar dhe me urdhër të Prokurorit të shtetit i është shqiptuar masa e ndalimit prej 48 orësh. Ndërkohë që trupi i viktimës është dërguar në Institutin e Mjekësisë Ligjore për Obduksion.

Shfaq komentet
comments powered by Disqus
Sot mund të lexoni Shfletoni kopertinat