Arrestohen shtatë persona dhe sekuestrohet armatim i konsiderueshëm

Kronikë e zezë

Arrestohen shtatë persona dhe sekuestrohet armatim i konsiderueshëm

Më: 14 prill 2021 Në ora: 17:21
Foto ilustrim

Shtatë persona janë arrestuar të mërkurën pas një aksioni që është zhvilluar në disa qytete të Kosovës.

Prokuroria Speciale njofton se shtatë personat e arrestuar gjatë ditës së sotme me inicialet S.K., H.N., S.A., S.N., T.R., F.A dhe H.A, janë arrestuar pasi që të njëjtit kanë kryer veprat penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse” lidhur me veprën penale “Pjesëmarrja ose organizimi i grupit kriminal të organizuar”.

Gjithashtu, gjatë këtij kontrolli në lokacione të ndryshme janë gjetur dhe sekuestruar sasi e konsiderueshme e armëve dhe sendeve të ndryshme të cilat do të shërbejnë si prova materiale për prokurorinë në procedurë të mëtejme.

Lokacioni 1

Dy (2) telefona mobil, një (1) pushkë, shtatë (7) fishekë.

Nga Lokacioni 2 është sekuestruar një (1) telefon mobil

Lokacioni 3, janë gjetur dhe sekuestruar:

Një (1) pushkë

Një (1) revole

Një (1) kuti me mjete për pastrim të armëve, si dhe

Katër (4) shufra për pastrim

Lokacioni 4, janë gjetur dhe sekuestruar:

Katër (4) revole

Njëmijenjëqindepesëdhjetë (1.150) fishekë të kalibrave të ndryshëm

Një (1) telefon

Lokacioni 5, janë gjeture dhe sekuestruar:

Një (1) pushkë

Një revole

Njëqindedhjetë (110) fishekë

Pjesë të armëve

Dy (2) telefona

Lokacioni 6, janë gjeture dhe sekuestruar sendet si në vijim:

Një (1) revole

Dyzetedy (42) fishekë

Një (1) fletore me shënime

Pajisje për pastrim të armëve dhe

Një (1) telefon

Lokacioni 7, janë gjetur dhe sekuestruar:

Dy (2) pushkë gjuetie

Dy (2) fishekë

Dy (2) leje për armë dhe

Një (1) telefon

Ndërkaq, nga lokacioni 8 është gjetur dhe sekuestruar një (1) telefon.

Gjithashtu, Prokuroria Speciale njofton se brenda afateve ligjore do të bëjë kërkesë për caktimin e paraburgimit kundër personave të arrestuar.

Shfaq komentet
comments powered by Disqus
Sot mund të lexoni Shfletoni kopertinat