(E plotësuar 20:48) - Në një aksident komunikacioni, që ka ndodhur sot në pasdite në Podujevë, katër persona kanë pësuar lëndime trupore.
Rastin e ka konfirmuar, zëdhënësja e Policisë së Kosovës, për Rajonin e Prishtinës, Flora Ahmeti.
“Sot rreth orës 19:30,në Rrugën ‘Ali Ajeti’ në Podujevë, ka ndodhur një aksident komunikacioni, ku janë përfshirë dy automjete”, ka thënë Ahmeti.
“Bazuar në të dhënat fillestare nga vendi i ngjarjes, si pasojë e aksidentit katër persona kanë pësuar lëndime. Të njëjtit janë dërguar për trajtim mjekësor”, tha zëdhënësja e Policisë.
Sipas saj, me rastin po merret njësiti i trafikut
***
Një aksident trafiku ka ndodhur sonte rreth orës 19:30 në fshatin Shajkoc të Komunës së Podujevës.
Sipas pamjeve shihet se në këtë aksident janë përfshirë dy vetura. Përveç dëmeve materiale, ende nuk dihet nëse ka të lënduar si pasojë e këtij aksidenti. Media është në pritje të informacioneve të më të detajuar nga Policia e Kosovës.
Duhet theksuar se nga një tjetër aksident që ka ndodhur sot rreth orës 17:30 në fshatin Lupç të Podujevës kanë mbetur të lënduar dy persona, njëri prej tyre ka pësuar lëndime më të rënda trupore.
Policia e Kosovës, në statistikat ditore, ka bërë të ditur se vetëm gjatë së premtes në nivel vendi kanë ndodhur 62 aksidente, prej tyre, 26 kanë rezultuar me persona të lënduar.