Policia shqipton mbi 400 gjoba për mosrespektim të masave antiCOVID

Kronikë e zezë

Policia shqipton mbi 400 gjoba për mosrespektim të masave antiCOVID

Më: 17 tetor 2021 Në ora: 09:04
Foto ilustrim

Ende vazhdojnë të mbeten në fuqi masat e miratuara nga Qeveria.

Maskat obligative, ora policore, orari i gastronomisë deri në orën 21:30 dhe hyrja në lokale me vërtetimin e kartelës së vaksinimit apo testit PCR, janë masat që po vazhdojnë të na shoqërojnë për më shumë se një muaj.

E edhe nga aksioni i policisë nëpër terren, po vazhdonë të mbetet numër jo edhe aq i ulët i gjobave të shqiptuara.

Vetëm gjatë 24 orëve të fundit janë shqiptuar 418 gjoba për të gjithë qytetarët që nuk kanë respektuar masat antiCOVID.

Ministria e shëndetësisë, ka bërë të ditur që masat do të jenë në fuqi deri në momentin që nuk do të ketë raste pozitive.

Ndërkohë, gjatë ditës së sotme ( e diel), po mbahen zgjedhjet lokale në territorin e Kosovës, nën masa antiCOVID.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat