Arrestohet 19 vjeçari në Mitrovicë, dyshohet se gjuajti me armë zjarri

Kronikë e zezë

Arrestohet 19 vjeçari në Mitrovicë, dyshohet se gjuajti me armë zjarri

Më: 26 nëntor 2021 Në ora: 09:05
Ilustrim

Policia e Kosovës ka njoftuar se ka arrestuar një 19 vjeçar në Mitrovicë, pasi që i njëjti dyshohet se ka shtënë më armë zjarri ditën e enjte.

Gjithashtu, Policia bën të ditur se ka sekuestruar edhe një armë zjarri, transmeton Telegrafi.

“Me datë 25 nëntor 2021, rreth orës 16:25, policia në Mitrovicë ka pranuar një informatë se në fshatin Vllahi të Mitrovicës, ka të shtëna me armë zjarri. Njësitë policore kanë dalë në vendin e ngjarjes dhe në bazë të informatave kanë arritur ta identifikojnë vendin nga kanë ardhur te shtënat, si dhe kanë arritur ta identifikojnë te dyshuarin V.F., 19 vjeçar dhe ta shoqërojnë në stacionin policor. Në cilësi të provave materiale, policia ka sekuestruar armën gjysme automatikë prodhim jugosllav pa fishekë”, njofton Policia.

Policia bën të ditur se personi është intervistuar në cilësi të të dyshuarit, ndërsa pas procedurave intervistuese sipas udhëzimit të prokurorit, të dyshuarit në fjalë i është caktuar masa ndalim policor.

Ndaj tij është iniciuar rasti për veprat penale:Mbajtje në pronësi, posedim, kontroll i paautorizuar i armëve dhe Përdorim i armës apo mjetit te rrezikshëm. 

Sot mund të lexoni Shfletoni kopertinat