Dy të lënduar nga aksidenti në rrugën Prishtinë-Pejë

Kronikë e zezë

Dy të lënduar nga aksidenti në rrugën Prishtinë-Pejë

Më: 5 dhjetor 2021 Në ora: 23:45
Foto ilustrim

Dy persona janë lënduar sonte si pasojë e një aksidenti që ka ndodhur në rrugën nacionale Prishtinë-Pejë, më saktësisht në fshatin Korreticë, tek vendi i njohur si “Kroni i Mbretit”.

Këtë e bëri të ditur Daut Hoxha, zëdhënës për media në Policinë e Kosovës.

Ai ka theksuar se në aksident janë të përfshira dy vetura me targa vendore, dhe se aksidenti ka ndodhur rreth orës 22:30.

“Sipas informacioneve fillestare dyshohet se njëri nga drejtuesit e automjetit rezulton të ketë qenë nën ndikimin e alkoolit gjatë vozitjes. Njësia për kontroll të autostradave e PK-së është duke u marrë me rastin dhe procedurat ligjore”,ka thënë.

commentFirst article
Sot mund të lexoni Shfletoni kopertinat