Një shpërthim ka ndodhur pas mesnatës së mbrëmshme, në rrugën “Ali Hadri” në kryeqytet. Gazeta "Bota sot" nga burimet e saj mëson se është djegur një veturë e tipit “Audi”.
Në vendin e ngjarjes ka dalë policia e Kosovës dhe brigada e zjarrëfikësve të cilët kanë arritur ta shuajnë zjarrin në këtë veturë. Zjarri ishte mjaft i fuqishëm, ndërsa kanosej edhe jeta e banorëve të kësaj lagjeje.
Burimet thonë se shkaktar i shpërthimit, dyshohet të ketë qenë vendosja e eksplozivit në veturë. Siç shihet në fotografitë e siguruara nga gazeta, vetura e policisë vazhdon të qëndrojë në vendin e ngjarjes.
Ndërkohë "Bota sot" është duke pritur të marr një përgjigje nga Policia e Kosovës rreth kësaj ngjarjeje.
