Gjatë 24 orëve në Kosovë, katër raste të dhunës në familje

Kronikë e zezë

Gjatë 24 orëve në Kosovë, katër raste të dhunës në familje

Më: 16 janar 2022 Në ora: 11:05
Ilustrim

Gjatë 24 orëve të fundit në Kosovë policia ka regjistruar dhe raportuar gjithsej 4 raste të dhunës në familje.

Sipas policisë këto raste të dhunës kanë ndodhur në komunën e Prishtinës, Pejës, Vitisë dhe atë të Skenderajt.

Në dy rastet e para dhuna ishte ushtruar nga burrat në drejtim të grave të tyre.

Kurse rasti në Pejë kishte ndodhur pasi një person kishte ushtruar dhunë psikike mbi nënën e tij ku dyshohet se i njëjti ka probleme mendore.

Rastet e dhunës në familje sipas raportit të policisë:

Prishtinë, 15.01.2022-10:40. Viktima femër kosovare ka njoftuar se ishte kanosur përmes rrjeteve sociale nga bashkëshorti i saj i dyshuari mashkull kosovar i cili jeton jasht RKS. Me vendim të prokurorit rasti shkon në procedurë të rregullt.

Viti, 05.01.2022-20:25. Është arrestuar i dyshuari mashkull kosovar pasi që i njëjti ka kanosur gruan e tij viktimën femër kosovare. I dyshuari me vendim të prokurorit pas intervistimit dërgohet në mbajtje.

Pejë, 15.01.2022-14:00. Është arrestuar i dyshuari mashkull kosovar pasi që i njëjti kishte ushtruar dhunë psikike ndaj nënës së tij si dhe kishte demoluar gjësende në shtëpi. I dyshuari është shumë agresiv dhe dyshohet se ka probleme mendore. Me urdhër të prokurorit, i dyshuari është dërguar te psikologu dhe me sugjerimin e tij, i dyshuari është dërguar për ekzaminim më te detajuar për QKUK. Prokurori i shtetit ka lëshuar vendim mbi ndalimin e te dyshuarit.

Skenderaj 15.01.2022-18:00, Është arrestuar i dyshuari mashkull kosovar pasi i njëjti pas një zënke verbale që kishte pasur me viktimën mashkull kosovar (djalin e ti) e kishte sulmuar fizikisht. Me urdhër të prokurorit i dyshuari është liruar, rasti vazhdon në procedurë të rregullt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat