​Drejtorit turk të një poliklinike në Prishtinë ia grabisin rreth 50 mijë euro

Kronikë e zezë

​Drejtorit turk të një poliklinike në Prishtinë ia grabisin rreth 50 mijë euro

Më: 28 prill 2022 Në ora: 12:19
Foto ilustrim

Një grabitje ka ndodhur mbrëmë në autostradën “Ibrahim Rugova”, ku dy persona kanë ndaluar shtetasin turk, drejtor të një poliklinike në Prishtinë, të cilit ia kanë kontrolluar veturën dhe ia kanë marrë një çantë dore që brenda saj kishte rreth 40 - 50 mijë euro para, një telefon IPHON dhe librezën e veturës.

Sipas Policisë, mbrëmë në Stacionin Policor-Malishevë është paraqitur tani viktima shtetas turk, drejtor i një poliklinike në Prishtinë, duke theksuar se rreth orës 18:00 me veturën e tij me tabela të Shqipërisë, ishte duke qarkulluar në autostradën “Ibrahim Rugova’’, nga drejtimi Prishtinës në drejtim të Prizrenit.

“Të njëjtin në zonën e Malishevës e kanë ndaluar dy persona të moshës 30-35 vjeçare, që ishin me veturë dhe njëri ishte prezantuar si polic. Të njëjtit kanë kontrolluar veturën dhe nga vendi (nën ulëse) i kanë marrë një çantë dore që brenda saj kishte rreth 40 - 50 mijë euro para, një telefon IPHON dhe librezën e veturës. Viktima deklaron se tek të dyshuarit kishte vërejtur se mbanin armë në brez, por që nuk i kishin nxjerr nga brezi. Pas kryerjes së grabitjes të dyshuarit me veturën e tyre janë larguar në drejtim të Prizrenit”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat