​Dy vjet e gjysmë burg e 400 euro gjobë për vjedhje të rëndë në Ferizaj

Kronikë e zezë

​Dy vjet e gjysmë burg e 400 euro gjobë për vjedhje të rëndë në Ferizaj

Më: 11 maj 2022 Në ora: 17:13
Foto ilustrim

Gjykata Themelore në Ferizaj, ka dënuar sot me dy vjet e gjysmë heqje lirie dhe 400 euro gjobë të pandehurin K.P., shtetas kosovar, pasi ka kryer veprën penale vjedhje e rëndë.

I pandehuri akuzohet se më datat 21-22 tetor 2020 në Ferizaj, me dashje dhe me qëllim të përvetësimit të kundërligjshëm të dobisë pasurore për vete, ka kryer veprën penale vjedhja e rëndë sipas Kodit Penal të Kosovës.

Kundër këtij aktgjykimi, palët kanë të drejtë ankese në afat prej 15 ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat