Njëmbëdhjetë emigrantë grabiten dhe braktisen në Mashkullorë, arrestohet njëri prej autorëve

Kronikë e zezë

Njëmbëdhjetë emigrantë grabiten dhe braktisen në Mashkullorë, arrestohet njëri prej autorëve

Më: 23 maj 2022 Në ora: 09:45
Ilustrim

Një 21 vjeçar është arrestuar pasi akuzohet se në bashkëpunim grabiti paratë dhe sendet personale 11 emigrantëve që kishin hyrë ilegalisht nga Greqia në Shqipëri, nëpërmjet kufirit të gjelbër.

“21-vjeçari, në bashkëpunim me persona të tjerë, më datë 22.05.2022, kanë marrë 11 emigrantë të paligjshëm në aksin rrugor Gjirokastër-Virua, me qëllim transportimin e tyre drejt Tiranës, kundrejt fitimit. Këta shtetas i kanë shoqëruar deri në afërsi të fshatit Mashkullorë, emigrantët, me automjetet e tyre, më pas i kanë nxjerrë nga automjetet dhe iu kanë vjedhur me dhunë, një shumë parash, 11 aparate celulare dhe sende të tjera personale që emigrantët e paligjshëm i kishin me vete” informoi sot policia.

Personi i arrestuar është identifikuar me inicialet A. O banues në Gjirokastër dhe akuzohet për veprat penale "Vjedhja me dhunë" dhe "Ndihma për kalim të paligjshëm të kufirit", kryer në bashkëpunim.

Vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

commentFirst article
Sot mund të lexoni Shfletoni kopertinat