​Ilegalisht nga Maqedonia në Kosovë, ndalohet me 11 krerë gjedhe

Kronikë e zezë

​Ilegalisht nga Maqedonia në Kosovë, ndalohet me 11 krerë gjedhe

Më: 26 maj 2022 Në ora: 13:22
Foto ilustrim

Njësitë patrulluese të Stacionit Policor për Mbikëqyrje Kufitare në Zhegër në kuadër të planit operativ "Goditja 2022", në zbatim të masave për parandalimin dhe luftimin e paligjshmërisë dhe kontrabandës kanë intensifikuar kontrollet taktike dhe operacionale në terren.

Policia thotë se si rezultat i kësaj, sot rreth orës 04:00, bazuar edhe në analizën e rriskut dhe informacioneve inteligjente të bëra nga ana e njësive të Policisë Kufitare është arritur të identifikohen kamion i tipit “man”, me targa vendore dhe me drejtues të dyshuarin, M.A., shtetas kosovar. 

“Pas tentativës për t'iu shmangur ndalimit policor, autoritetet kufitare policore kanë arritur t’i ndalojnë automjetet në fshatin Mjak, komuna e Vitisë. Gjatë kontrollit të automjetit janë gjetur njëmbëdhjetë kafshë ( krerë gjedhe) për të cilat dyshohet se përmes rrugëve malore ilegale ishin futur në territorin e Republikës së Kosovës nga Republika e Maqedonisë Veriore si malli i kontrabanduar. Në bashkëpunim me prokurorinë përkatëse rasti është duke u trajtuar nga Drejtoria Rajonale e Policisë Kufitare – Lindje, ndërsa malli i konfiskuar i dorëzohet Doganës së Kosovës për procedura të mëtejme”, thuhet në njoftimin e policisë.

commentFirst article
Sot mund të lexoni Shfletoni kopertinat