E përcolli me veturë dhe e ngacmoi një vajzë në mesnatë, të riun nga Prishtina e zë sherri me policinë

Kronikë e zezë

E përcolli me veturë dhe e ngacmoi një vajzë në mesnatë, të riun nga Prishtina e zë sherri me policinë

Më: 25 qershor 2022 Në ora: 16:29
Foto ilustrim

Ngacmimet seksuale në rrugë, për fatin e keq të vajzave dhe grave në Kosovë, nuk janë të rralla.

Mirëpo, i rrallë është raportimi i tyre dhe për pasojë ngacmuesit shpesh ia dalin pa “therrë në këmbë”.

Burimet brenda Prokurorisë në Prishtinë bëjnë të ditur se një vajzë u ngacmua seksualisht mbrëmë pas mesnate rreth orës 3:30 në Prishtinë, në afërsi të Stacionit Policor Jugu.

Sinjali mëson që ngacmimin e kishte shoqëruar një fjalosje dhe një zhurmë që kishin shkaktuar protagonistët e ngjarjes, e cila u dëgjua nga një njësi policore që ishte në afërsi, ku menjëherë janë vënë në veprim dhe kanë shoqëruar personat e dyshuar në stacion policor për intervistim.

Viktima ka raportuar se me të dyshuarin njihen kohë më parë dhe gjatë kësaj kohe sa ishin duke lëvizur me veturë, i dyshuari i kishte përcjellur me veturë nga rruga “Bill Clinton” deri në Vranjefc e më pas posa kanë mbërritur te rrethi i Viktorisë veturat janë ndalur për tu sqaruar.

Në veturë me viktimën ishte edhe një person tjetër. Ajo po ashtu ka deklaruar se i dyshuari posedon edhe armë.

Në këtë rast policia ka kryer bastisje në shtëpinë e të dyshuarit mirëpo nuk është gjetur asgjë. Me urdhër të Prokurorit të Shtetit, pas intervistimit rasti është hapur “Ngacmim”.

commentFirst article
Sot mund të lexoni Shfletoni kopertinat