Në Gjakovë 22 vjeçari i ndaluar për kanosje shkakton dëme në qeli – tenton ta lëndojë veten

Kronikë e zezë

Në Gjakovë 22 vjeçari i ndaluar për kanosje shkakton dëme në qeli – tenton ta lëndojë veten

Më: 27 qershor 2022 Në ora: 16:01
Foto ilustrim

Të riun nga Gjakova, Nikoll Domgjoni, që përfundoi në Polici dy herë brenda pak ditësh për veprën penale “kanosje”, e ka zënë sherri sërish. Por këtë herë, brenda stacionit policor, pasi u ndalua herën e dytë. Sinjali mëson se derisa i njëjti ka qenë në Qendrën e Mbajtjes në Gjakovë, ka shkaktuar dëme në qelinë ku ishte vendosur.

Burimet brenda Prokurorisë kanë bërë me dije për Sinjalin se 22-vjeçari ka shkaktuar dëme në lavamanin e qelisë, si dhe ka tentuar ta lëndojë veten me qoshet e lavamanit.

Në momentin që zyrtarët policorë e kanë vërejtur se diçka nuk është në rregull, kanë intervenuar, duke ë vënë nën kontroll të dyshuarin, i cili më pas ka marrë trajtim mjekësor.

Sinjali mëson se i dyshuari nuk është intervistuar, për shkak se është nën ndikimin e qetësuesve. Ndaj tij, me urdhër të Prokurorit të Shtetit është iniciuar rasti “Asgjësim apo dëmtim i pasurisë”.

Ndryshe, Sinjali ka raportuar për të dys rastet për të cilat po dyshohet Domgjoni. Fillimisht ai e kishte kërcënuar një 52-vjeçar në një parking privat në rrugën “Sefedin Xërxa”. Të njëjtin, posa kishte dalë nga Policia, e kishte kanosur prapë, duke i shkruar te lokali për t’i ‘kërkuar’ llogari për denoncimin kundër tij.

Duke e paralajmëruar se do ta pësojë keq që e çoi në Polici, Domgjoni dyshohet se i është drejtuar atij me fjalët “tash pasi jam liruar nga Policia, kam me të ardhë me kallash”.

Kjo e shqetësoi viktimën, i cili shpresoi se e zgjodhi problemin duke e denoncuar herën e parë, prandaj u detyrua ta njoftojë sërish Policinë.

Njësitë policore u aktivizuan në mesnatë, me ç’rast në orët e mëngjesit të 26 qershorit e arrestuan të dyshuarin dhe i njëjti u dërgua në stacion policor.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

commentFirst article
Sot mund të lexoni Shfletoni kopertinat