Mbrëmë u plagosën dy persona në Pejë, njëri në gjendje më të rëndë

Kronikë e zezë

Mbrëmë u plagosën dy persona në Pejë, njëri në gjendje më të rëndë

Më: 29 qershor 2022 Në ora: 09:23
Foto ilustrim

Dy persona janë plagosur si pasojë e të shtënave me armë zjarri që ka ndodhur mbrëmë rreth orës 20:55 në fshatin Kryshec të Pejës.

Të plagosurit janë dërguar fillimisht për trajtim në Spitalin Rajonal të Pejës, derisa njëri nga ta më pas është dërguar në Qendren Klinike dhe Universitare.

Kështu tha zëdhënësi rajonal i policisë në Pejë Fadil Gashi.

Gashi tha se policia ka arritur që ta arrestojë personin e dyshuar.

Ai theksoi se është konfiskuar edhe arma e cila dyshohet se është përdorur në rast.

Me vendim të prokurorit i dyshuari ndalohet në mbajtje për 48 orë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat