Aksident mes autoambulancës dhe veturës në Gjakovë, pesë persona të lënduar

Kronikë e zezë

Aksident mes autoambulancës dhe veturës në Gjakovë, pesë persona të lënduar

Më: 30 qershor 2022 Në ora: 14:30
Foto nga vendi i ngjarjes

Një aksident trafiku ka ndodhur mes një veture dhe një autoambulancë sot në Gjakovë.

Si pasojë e aksidentit lëndime trupore kanë pësuar pesë persona, në mesin e tyre edhe persona që ishin brenda autoambulancës.

Lajmin e ka konfirmuar Sheremet Elezaj, zëdhënës në policinë e Gjakovës, duke shtuar se për rastin është njoftuar edhe prokurori dhe ky rast po hetohet.

Për të lënduarit, Elezaj tha se bëhet fjalë për personat që kanë qenë brenda autoambulancës dhe të paktën një i lënduar që ishte brenda në veturë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat