“Po flen shumë edhe po rrin në telefon”/ Drenicaku sulmon gruan, përfundon në Polici

Kronikë e zezë

“Po flen shumë edhe po rrin në telefon”/ Drenicaku sulmon gruan, përfundon në Polici

Më: 3 korrik 2022 Në ora: 08:27
Foto ilustrim

Çdo ditë në Policinë e Kosovës raportohen raste të dhunës në familje, ku kryesisht viktima janë gratë që pësojnë nga bashkëshortët e tyre. Shumë prej tyre nuk i denoncojnë burrat në momentin kur përjetojnë dhunën për shkak të frikës. Një rast i tillë ka ndodhur edhe në fshatin Aqarevë të Skenderajt, gjatë ditës së djeshme.

Mësohet se një 50-vjeçar ka sulmuar bashkëshorten e tij për shkak të një konflikti që e nisi ai vetë, për shkak të gjumit dhe qëndrimit të gruas në telefon. Kjo e bëri atë që ta sulmojë gruan, duke e kapur për duarsh e goditur në qafë.

Përballë kësaj situate, viktima vendosi ta denoncojë atë se çfarë i ndodhi në shtëpi, me ç’rast Policia u aktivizua dhe shoqëroi në stacion policor palët. Mosmarrëveshja mes çiftit nisi pasi i dyshuari i kishte kërkuar gruas përgatitjen e ushqimit, duke e akuzuar me fjalët “po flen shumë ti edhe po rrin në telefon”.

Pas dhënies së deklaratave, gruaja është kthyer te prindërit e saj, aty ku ndihet më e sigurt, ndërsa ndaj të dyshuarit, Prokuroria ka nisur hetimet për veprën penale “sulm”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat