Dy persona janë lënduar si pasojë e një aksidenti të ndodhur në rrugën “Fehmi Agani” në Prishtinë.
Të përfshirë në këtë aksident ishin një veturë dhe një motoçikletë.
Lajmin për aksidentin në qendër të Prishtinës e ka konfirmuar edhe zëdhënësja e policisë për rajonin e Prishtinës, Flora Ahmeti.
“Sot rreth orës 19:00 në rrugën “Fehmi Agani” në Prishtinë ka ndodhur një aksident trafiku mes një automjeti e një motoçiklete. Si pasojë e aksidentit, dy persona kanë pësuar lëndime trupore”, tha Ahmeti.
