Keqtrajtohet fizikisht një grua në Gjakovë, Policia e shpall në kërkim burrin e saj

Kronikë e zezë

Keqtrajtohet fizikisht një grua në Gjakovë, Policia e shpall në kërkim burrin e saj

Më: 10 gusht 2022 Në ora: 09:09
Foto ilustrim

Rastet e dhunës në familjet kosovare po vazhdojnë të rriten, ndërkohë që çdo ditë e më shumë gratë janë ato që po përjetojnë dhunë fizike e psikike nga bashkëshortët e tyre. Një rast i tillë është raportuar të ketë ndodhur të martën, në një familje në rrugën “Ali Ibra” të Gjakovës.

Burime nga Prokuroria kanë bërë me dije se rastin në Polici e ka denoncuar një 37-vjeçare, e cila ka rrëfyer para hetuesve për dhunën që po ia shkakton bashkëshorti i saj 42-vjeçar I.S.

Ajo ka deklaruar se burri ka ushtruar dhunë, duke e keqtrajtuar fizikisht, me ç’rast i ka shkaktuar shqetësim dhe ka vendosur ta denoncojë. Por pavarësisht dhunës që ka përjetuar ajo ka refuzuar urdhrin mbrojtjes, e madje edhe tretmanin mjekësor.

Të njëjtat burime thonë se akoma s’është i njohur motivi i rastit, por që refuzimi i gruas viktimë mund të lidhet me frikën e saj pas raportimit të rastit.

Pas përfundimit të intervistimit, Prokurori i Shtetit ka urdhëruar nisjen e hetimeve që çojnë në kapjen dhe ndalimin e të dyshuarit, i cili do të hetohet për veprën penale “dhunë në familje”.

Përkundër kërkimeve, i dyshuari ende nuk ka rënë në prangat e Policisë dhe po vazhdon të qëndrojë në arrati.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat