Tejkaloi dyfish shpejtësinë, 500 euro gjobë e 1 vit ndalesë në ngasje

Kronikë e zezë

Tejkaloi dyfish shpejtësinë, 500 euro gjobë e 1 vit ndalesë në ngasje

Më: 29 nëntor 2022 Në ora: 20:11
Foto nga vendngjarja

Kufizimi i shpejtësisë në rrugën “Gaspër Karaqi” në Gjakovë ishte 50 kilometër në orë, derisa të hënën e 28 nëntorit ngasësi ishte kapur nga policia derisa drejtonte automjetin me shpejtësi 146 kilometër në orë, dy herë më shumë sesa shpejtësia e lejuar.

Ndaj drejtuesit të mjetit policia ka shqiptuar gjobë prej 500 euro, 5 pikë negative si dhe masa mbrojtëse-ndalimi i drejtimit të automjetit në territorin e Republikës së Kosovës për 1 vit.

Drejtoria Rajonale e Policisë në Gjakovë ka bërë thirrje tek shoferët e automjeteve që të respektojnë shpejtësinë e lëvizjes dhe rregullat e komunikacionit rrugor në mënyrë që të jenë kontribuues aktiv në rritjen e sigurisë në rrugë.

Po ashtu, Drejtoria Rajonale e Policisë në Gjakovë ka ftuar qytetarët të bashkëpunojnë me policinë në këtë drejtim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat