Gjakovë: E mori pensionin e nënës edhe pas vdekjes së saj, arrestohet nga policia

Kronikë e zezë

Gjakovë: E mori pensionin e nënës edhe pas vdekjes së saj, arrestohet nga policia

Më: 8 dhjetor 2022 Në ora: 18:12
Foto ilustrim

Një person është arrestuar nga policia pasi i njëjti e kishte marrë pensionin e nënës së tij edhe pas vdekjes së saj.

Rasti ka ndodhur në Gjakovë.

Lajmin e konfirmoi Sheremet Elezaj, zëdhënës i policisë për rajonin e Gjakovës.

Elezaj tha se shuma e përfituar është 150 euro.

Ai tha se rasti ishte i lajmëruar nga Ministria e Financave, Punës dhe Transfereve.

“Me datën 30.11.2022, nga Ministria e Financave, Punës dhe Transfereve është  raportuar se personi i dyshuari, mashkull/kosovar kishte përfituar në mënyre të kundërligjshme para nga Departamenti i Administratës Pensionale të Kosovës në vlerë prej 150 euro, pas vdekjes së nënës së tij dhe i njëjti nuk e kishte lajmëruar vdekjen e saj në gjendjen civile.  Njësiti i hetimeve të ngarkua me hetimin e këtij rasti, sot kanë arrestuar të dyshuarin. I njëjti pas konsultimit me Prokurorin kujdestar lirohet në procedurë të rregullt”, tha Elezaj.

Në bazë të rregullave çdo pensionist duhet të lajmërohet në qendrat e Ministrisë së Punës dhe Transfereve për të vërtetuar nëse ata janë ende gjallë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat