Punëtori bie nga lartësia e një objekti në Fushë Kosovë, policia arreston dy pronarët e kompanive

Kronikë e zezë

Punëtori bie nga lartësia e një objekti në Fushë Kosovë, policia arreston dy pronarët e kompanive

Më: 6 shkurt 2023 Në ora: 18:48
Foto ilustrim

Një punëtor në Fushë Kosovë ka rënë nga lartësia e një objekti, duke pësuar lëndime të rënda.

Rastin e kanë bërë të ditur nga Policia e Kosovës.

Dyshimet janë se rënia nga objekti i punëtorit ka ndodhur si pasojë e dëmtimit ose heqjes së pajisjeve mbrojtëse, gjë që ka shtyer policinë t’i arrestojë dy pronarët e kompanive që kanë kryer punën.

I lënduari është pranuar në QKUK për trajtim të mëtejmë. 

Njoftimi i plotë:

ASGJËSIM, DËMTIM OSE HEQJE E PAJISJEVE MBROJTËSE DHE RREZIKIM I SIGURISË NË VENDIN E PUNËS/ Fushë Kosovë, 04.02.2023 – 13:36. Një mashkull kosovar, ka rënë nga lartësia e një objekti në ndërtim, duke pësuar lëndime të rënda trupore. Viktima është dërguar për trajtim mjekësor në QKUK. Në vendin e ngjarjes përveç njësive policore, ka dalë edhe prokurori si dhe inspektori i punës. Lidhur me rastin janë arrestuar dy meshkuj kosovar, pronar të kompanive punë kryese dhe të njëjtit me vendim të prokurorit janë dërguar në mbajtje.

commentFirst article
Sot mund të lexoni Shfletoni kopertinat