Një përleshje mes disa personave ka ndodhur në një lokal në fshatin Nabërgjan të Pejës.
Zëdhënësi i Policisë së Kosovës për rajonin e Pejës, Fadil Gashi ka bërë të ditur se nga kjo përleshje të lënduar kanë mbetur tre persona.
Gashi ka njoftuar se të lënduarit janë trajtuar në Emergjencën e Spitalit të Pejës dhe tre persona të tjerë janë intervistuar në stacionin policor.
“Sot rreth orës 18:35 Policia është njoftuar për rrahje në një lokal në fshatin Nabërgjan të Pejës. Gjatë përleshjes tre persona kanë pësuar lëndime të cilët kanë kërkuar tretman mjekësor në Emergjencën e Pejës ndërsa tre të tjerë janë shoqëruar për intervistim në stacionin policor në Pejë.” – ka bërë të ditur Gashi.
