Policia e Kosovës ka dhënë detaje për demolimin e një lokali mbrëmë në rrugën “Rexhep Luci” në Prishtinë.
Sipas Policisë, disa persona kanë hyrë në një lokal dhe i kanë demoluar disa tavolina dhe më pas e kanë sulmuar edhe menaxherin i këtij lokali.
Organet e rendit kanë njoftuar se viktima ka pranuar tretman mjekësor, teksa njëri nga të dyshuarit është identifikuar.
“Disa persona kanë hyrë në një lokal dhe i kanë demoluar disa tavolina dhe më pas e kanë sulmuar viktimën mashkull kosovar (menaxher i këtij lokali), duke i shkaktuar lëndime trupore”, thuhet në raportin e PK-së.
Rasti është duke u hetuar si “Lëndim i lehtë trupor dhe asgjësim apo dëmtim i pasurisë”.
