Arrestohet një person në Gjilan për armëmbajtje pa leje

Kronikë e zezë

Arrestohet një person në Gjilan për armëmbajtje pa leje

Më: 1 prill 2023 Në ora: 16:14
Foto ilustrim

Është arrestuar një person në Gjilan për armëmbajtje pa leje.

Policia ka bërë të ditur se ka kryer kontroll në shtëpinë dhe objektet përcjellëse të të dyshuarit.

“Drejtoria rajonale e policisë Gjilan, njësiti i hetimeve të stacionit policor Gjilan në vazhdën e zhvillimit të hetimeve disa mujore për disa raste sot me datën 01.04.2023 me leje të gjyqtarit të procedurës paraprake dhe konsultim me prokurorin e shtetit ka realizuar një kontroll në shtëpinë dhe objektet përcjellëse të dyshuarit A.S. (viti i lindjes 1983, mashkull kosovar shqiptar)”, ka njoftuar policia.

Në njoftimin e tyre bëhet e ditur se janë gjetur dhe konfiskuar një revole dhe gjashtë fishekë, përcjell Klankosova.tv.

“Gjatë kontrollit është gjetur dhe konfiskuar si dëshmi për gjykatën një (1) revole e llojit Sigsaver dhe gjashtë (6) fishekë. I dyshuari është arrestuar dhe shoqëruar në stacionin policor Gjilan ku është intervistuar në prani të avokatit mbrojtës”.

“Prokurori i shtetit ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ‘’Mbajtje në pronësi, kontrollë ose posedim të paautorizuar të armëve’’, rasti do të procedohet në procedurë të rregullt në Prokurorinë Themelor”, thuhet tutje në njoftim.

commentFirst article
Sot mund të lexoni Shfletoni kopertinat