Policia e Kosovës arreston të dyshuarin e dytë në rastin për falsifikim të parave

Kronikë e zezë

Policia e Kosovës arreston të dyshuarin e dytë në rastin për falsifikim të parave

Më: 30 maj 2023 Në ora: 21:00
Foto ilustrim

Policia e Kosovës ka arrestuar një person të dyshuar për falsifikim të parave. Lidhur me këtë rast, ditë më parë ishte arrestuar një tjetër person i cili dyshohet t’i ketë pranuar paratë e falsifikuara.

Policia e Kosovës kishte zbuluar dhe sekuestruar 4 mijë e 700 euro që dyshohet të jenë falsifikuar.

Më 22 maj Krimet Ekonomike të Policisë së Kosovës kishin arrestuar të dyshuarin e parë me inicialet V.T.

“Dhe është pas një pune profesionale hetimore janë siguruar prova të reja (video incizime) me të cilën sigurohet se në këtë rast është i përfshirë edhe personi tjetër (nr.2) i dyshuari me iniciale (F.Q.), përmes të cilave prova ekziston dyshimi i bazuar se i dyshuari (nr.1) i ka pranuar paratë e falsifikuara nga personi tashmë i dyshuar me (nr.2)”, ka njoftuar Policia e Kosovës.

Gjithashtu, është realizuar urdhëresa e Gjykatës Themelore në Prishtinë, për kontrollimin e banesës së të dyshuarit të dytë me iniciale F.Q, në qytetin e Pejës.

I dyshuari F.Q është shoqëruar në stacionin policor në Pejë për intervistim, dhe me aktvendim të Prokurorit të Shtetit është dërguar në mbajtje për 48 orë.

commentFirst article
Sot mund të lexoni Shfletoni kopertinat