Policia e Kosovës ka arrestuar dy persona në Prishtinë.
Të njëjtit dyshohen për veprën penale “Grabitje”.
Policia përmes një komunikate për media ka bërë të ditur se rasti ka ndodhë me datën 26.07.2024, në rrugën "Luigj Gurakuqi" në Prishtinë, ku personat e dyshuar kanë sulmuar me mjet të mprehtë (thikë), ankuesen dhe të njëjtës i kanë grabitur një zingjirë ari.
Puna e hetuesve policor, është finalizuar mbrëmë, ku pas marrjes së disa veprimeve operative kanë arrit që të identifikojnë dhe arrestojnë personat e dyshuar:
– T.I, femër, 26 vjeç, shtetase e Republikës së Kosovës dhe
– R.A, mashkull, 29 vjeç, shtetas i Republikës së Kosovës.
Personat e dyshuar me vendim prokurorit të shtetit, janë dërguar në qendrën e mbajtjes për 48 orë.
