Policia e Kosovës ka njoftuar, se shtatë raste të dhunës në familje janë raportuar në 24 orët e fundit.
Në raport thuhet se tre raste kanë ndodhur në Komunën e Prishtinës, tre raste në komunën e Pejës dhe një raste në komunën e Gjakovës.
Rastet e dhunës në familje sipas raportit të policisë:
Prishtinë / 14.08.2024-01:00. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje.
Prishtinë / 14.08.2024-14:00. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar si dhe ka pasur psikike nga i njëjti. I dyshuari gjendet në kërkim policor, rasti në procedurë hetimore.
Prishtinë 14.08.2024, 23:00. Është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht dy viktimat një mashkull dhe një femër kosovare. Pas intervistimit me vendim të prokurorit i dyshuari është dërguar në mbajtje.
Pejë/ 13.08.2024-15:15. Viktima femër kosovare ka raportuar se i dyshuari mashkull kosovar nuk e ka lejuar të hyjë në shtëpi. Palët janë intervistuar dhe me vendim të prokurorit, rasti hetohet në procedurë të rregullt.
Pejë / 12.08.2024-09:00. Me 14.08.2024 viktima femër kosovare ka raportuar se me datën e lartcekur i dyshuari mashkull kosovar e kishte sulmuar si dhe i kishte thyer dyert e shtëpisë. I dyshuari gjendet në arrati, ndërsa rasti në procedurë hetimore.
Pejë 14.08.2024, 16:30. Viktima femër kosovare ka raportuar se i dyshuari mashkull kosovar i kishte shkaktuar dhunë fizike dhe psiqike asaj dhe viktimës tjetër femër kosovare. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje.
Gjakovë 14.08.2024, 17:30. Ankuesja femër kosovare ka raportuar se i dyshuari mashkull kosovar i kishte shkaktuar dhunë psiqike. I dyshuari është arrestuar dhe pas intervistimit me vendim të prokurorit është liruar në procedurë të rregullt.
E duke u bazuar në të dhënat që tregojnë një rritje të vazhdueshme të rasteve të raportuara të dhunës në familje, Drejtoria për Parandalimin dhe Hetimin e Dhunës në Familje, të mërkurën u ka bërë thirrje të gjithë qytetarëve që të raportojnë rastet e dhunës në familje në Policinë e Kosovës.
“Dhuna në familje nuk është çështje private që duhet të mbetet brenda mureve të shtëpisë dhe kryesit nuk duhet të mbeten të pandëshkuar, andaj mos hesht raporto “Askush nuk duhet të vuajë në heshtje”, thuhet në njoftim.
