Një person në Ferizaj dyshohet se pësoi lëndime të rënda trupore pasi u sulmua nga tre persona, ku njëri prej tyre e goditi me thikë.
Në raportin 24 orësh të Policisë, thuhet se rasti ka ndodhur në rrugën “Gjon Sereqi”, të dielën rreth orës 15:00 dhe u iniciua si “Lëndim i rëndë trupor”.
“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë.
Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, thuhet në njoftim.
