Policia ka arrestuar N.A. (31) i dyshuar për disa raste vjedhjeje në Ferizaj.
Fillimisht u raportuan dy vjedhje më 04.12.2025, në një market në rrugën “Zenel Hajdini” dhe në oborrin e një shtëpie në rrugën “Lulzim Guta”.
Pas arrestimit, i dyshuari ka pranuar veprat dhe është intervistuar edhe për dy raste të tjera më të hershme, në rrugën “Esat Mekuli” dhe në Xhaminë e Madhe të Ferizajt, ku dyshohet se kishte vjedhur këpucë dhe pajisje elektronike.
Me vendim të prokurorit, ai është liruar në procedurë të rregullt, ndërsa hetimet po vazhdojnë.
