Njësitet policore të Stacionit Policor Qendra, në bashkëpunim me Sektorin e Hetimeve të Kryeqytetit, pas një pune intensive hetimore dhe operative, kanë arritur të arrestojnë një person të dyshuar për përfshirje në së paku tri raste vjedhjeje në territorin e Prishtinës.
Si rezultat i veprimeve policore, është arrestuar i dyshuari D.G., mashkull, 25 vjeç, shtetas i Republikës së Kosovës, njofton policia.
Pas arrestimit, sipas policisë, me autorizim dhe në koordinim me Prokurorin e Shtetit, i dyshuari është intervistuar.
Më pas është dërguar në mbajtje për 48 orë, ndërsa hetimet lidhur me rastin janë duke vazhduar.
