Detaje të reja nga incidenti me armë në Podujevë, daja dhe nipi të përfshirë - Prokuroria zbulon motivin

Qytetarët në Podujevë shprehën keqardhje, por edhe indinjatë në lidhje me përleshjen e armatosur në Podujevë, që la katër të plagosur.

Qytetari Behram Kolla i quajti katastrofë të shtënat më armë midis sheshit të Podujevës.

Kolla: Katastrofë, pasha Zotin!

"Katastrofë, Pasha Zotin po, kështu vaki s'ka bo, pa kurgjo hiq në mes të sheshit e popullit me gju kallasha, katastrofë", tha Kolla.

Një tjetër qytetar, Ukshin Hoti, e sheh shqetësuese që njeriu të frikësohet të dalë në qytet të vet.

Hoti: Me u tut njeriu me dalë në vend të vet është shumë keq

"Ata që veprojnë kështu, ata nuk duhet me jetu këtu. Ata i kisha hek prej këtij vendi, i kisha qu në njëfarë xhunglle. Se në këtë liri, me u tut njeri me dal në vend të vetë është shumë keq", tha Hoti.

Ngjashëm mendon edhe qytetari tjetër Halim Morina.

Morina: Menjëherë të kapen e të dënohen

"Vetëm i lumi Zot ka të drejtë, se ai na ka dhënë shpirtin edhe ai na e merr. Ndërsa bandat që dalin me armë nëpër qytet e gjuajnë e vrasin, atë të fajshmin e të pafajshmin e kudo që gjejnë në rrugë, çfarë lyp ai? Ato duhet me i eliminuar, duhet me me, nuk po them me vra, menjëherë me kapë e me çu 30 vjet burg me dënu", tha ai.

Katër persona janë plagosur në Podujevë pas një përleshjeje të armatosur në qendër të këtij qyteti rreth orës 13:30, thanë autoritetet.

Prokuroria Themelore në Prishtinë tha se motivi i kësaj ngjarjeje dyshohet të ketë qenë një mosmarrëveshje paraprake, ndërsa të dyshuarit kanë lidhje familjare nip dhe dajë, ndërsa motivi i dyshuar i kësaj çështje lidhet me një mosmarrëveshje paraprake.

Tre nga të plagosurit ishin të përfshirë në të shtënat me armë zjarri, ndërkaq një tjetër ishte kalimtar rasti.

Prokuroria ka konfirmuar se të përfshirët në plagosjen që ndodhi sot në Podujevë janë daja me nipin, si dhe një familjar i tyre.

Kjo ngjarje e rëndë, po hetohet nga Prokuroria Themelore e Prishtinës, si “Vrasje e rëndë në tentativë”.

“Të dhënat fillestare të hetimit tregojnë se në rast janë të përfshirë persona me lidhje familjare (nip dhe dajë), ndërsa motivi dyshohet të jetë një mosmarrëveshje e mëhershme”, thuhet në njoftimin e Prokurorisë.

Njoftimi i plotë

Prishtinë, 02 korrik 2026- Prokuroria Themelore në Prishtinë- Departamenti për Krime të Rënda njofton opinionin publik se sot, rreth orës 13:40, në sheshin ‘’Bulevardi i Dëshmorëve’’ në Komunën e Podujevës, ka ndodhur një përleshje e armatosur ndërmjet tre (3) personave. Si pasojë e të shtënave me armë zjarri, lëndime trupore kanë pësuar tre (3) persona të përfshirë në ngjarje, si dhe një kalimtar i rastit.

Sipas të dhënave fillestare të hetimit, dyshohet se në këtë ngjarje janë të përfshirë persona që kanë lidhje familjare (nip dhe dajë), ndërsa motivi i dyshuar i kësaj çështje lidhet me një mosmarrëveshje paraprake.

Menjëherë pas pranimit të informatës nga Policia e Kosovës, prokurori kujdestar nga Departamenti për Krime të Rënda ka dalë në vendin e ngjarjes, dhe në bashkëpunim me njësitet përkatëse të Policisë së Kosovës, kanë ndërmarrë të gjitha masat dhe veprimet e nevojshme hetimore me qëllim të ndriçimit të plotë të rrethanave të këtij rasti.

Me këto veprime të njëjtit dyshohen për kryerjen e veprës penale ‘’Vrasja e rëndë në tentativë’’, nga neni 173 lidhur me nenin 28 të Kodit Penal të Republikës së Kosovës.

Personat e lënduar me armë zjarri, janë dërguar në Qendrën Klinike Universitare të Kosovës (QKUK), për trajtimin e nevojshëm mjekësor.

Prokuroria Themelore në Prishtinë, në koordinim të plotë më Policinë e Kosovës, është duke vazhduar ndërmarrjen e të gjitha veprimeve të nevojshme hetimore për zbardhjen e plotë të rrethanave të kësaj ngjarje.

Policia në Podujevë ka dhënë detaje duke thënë se nga katër të plagosurit, tre janë familjarë dhe një është kalimtar i rastit.

Nënkoloneli i Drejtorisë Rajonale të Prishtinës, Basri Shabani tha se motivi i ngjarjes nuk dihet saktë, por tha se dyshohet se e gjithë ngjarja të ketë ndodhur për probleme familjare.

Shabani: Nga katër të plagosurit, njëri ishte kalimtar, dyshohet për probleme familjare

“Sot rreth orës 14:00 stacioni policor në Podujevë ka marrë informata se në shesh janë dëgjuar të shtëna me armë zjarri. Njësitet relevante i janë përgjigjur rastit, kanë dalë në vendin e ngjarjes dhe si pasojë e përdorimit të armëve të zjarrit janë të plagosur katër persona. Tre që kanë qenë të përfshirë drejtpërdrejtë në incident dhe një kalimtar i rastit, i cili për fat të mirë ka lëndime të lehta trupore. Për motivin s’mund të them ende sigurt pasi jemi në fazën e parë të grumbullimit të informacioneve. Nga informacionet që i kemi dhe incizimeve që i kemi nxjerr, nga vendi i ngjarjes tre persona që kanë qenë direkt të përfshirë janë të lënduar nga arma e zjarrit dhe të njëjtit po trajtohen në QKUK. Kanë lidhje familjare, problemet janë familjare dhe kjo mund të jetë motivi, por saktë nuk mund të themi asgjë”, tha Shabani në prononcim për media.

Ai foli edhe për zyrtarin policor me rroba civile, i cili tha se është hetues i stacioni policor të Podujevës dhe ka qenë në detyrë zyrtare gjatë intervenimit.

Më herët, drejtori i QKUK-së, Naser Syla, tha se katër të plagosurit janë pranuar në Emergjencë, ku njëri prej tyre tashmë ka hyrë në operim, kurse gjendja për të katër të lënduarit është e rëndë por stabile. 

Katër persona kanë mbetur të plagosur si pasojë e të shtënave me armë që ndodhën pak më parë në qendër të Podujevës.

Të lënduarit janë dërguar për trajtim në Qendrën Klinike Universitare të Kosovës.

Drejtori i Klinikës Emergjente në QKUK, Naser Syla bëri të ditur se njëri prej të plagosurve ka hyrë në sallë të operimit

“Është duke u trajtuar nga ekipet e anestezionit dhe neurokirurgjisë”, thuhet në konfirmim.

Ai gjithashtu ka bërë të ditur se për vizitë tek të plagosurit ka shkuar Ministri në detyrë i Shëndetësisë, Arben Vitia.

Katër persona kanë mbetur të plagosur si pasojë e të shtënave me armë që ndodhën pak më parë në qendër të Podujevës.

Media mëson se tre nga të plagosurit janë: F. Zejnullahu ( rreth 36 vjeç), A. Xhemajli, dhe A.Islami (25 vjeç).

Të lënduarit janë dërguar për trajtim në Qendrën Klinike Universitare të Kosovës (QKUK).

Drejtori i Klinikës Emergjente në QKUK, Naser Syla, ka deklaruar se të gjithë të lënduarit janë të moshës së mesme dhe po u nënshtrohen ekzaminimeve të nevojshme mjekësore.

Katër persona të plagosurit nga të shtënat me armë zjarri në Podujevë janë pranuar për trajtim në Qendrën Klinike Universitare të Kosovës. 

Drejtori i Klinikës Emergjente në QKUK, Naser Syla, tha se të gjithë të lënduarit janë të moshës së mesme dhe po u nënshtrohen ekzaminimeve të nevojshme mjekësore.

Derisa, gjendja e tyre është e rëndë por stabile.

“Katër të plagosur janë pranuar mosha e mesme, janë ka kryhen ekzaminimet e nevojshme. Për të katërtit është gjendja e rëndë por stabile edhe pse me plagë skllobedare”, tha drejtori i emergjencës në QKUK, Naser Syla.

Më herët Policia e Kosovës raportoi se të plagosur janë tre persona.

Tre persona janë plagosur në Podujevë pas të shtënave me armë zjarri, thanë nga Policia e Kosovës.

Zëdhënësi i Policisë së Kosovës, Enis Pllana, tha se të plagosurit janë dërguar për tretman mjekësor.

Të shtënat u raportuan në orën 13:30 të së enjtes.

“Policia ka dalë menjëherë në vendin e ngjarjes dhe nga informacionet e para dyshohet se tre persona janë plagosur dhe të njëjtit janë dërguar në Qendrën Klinike Universitare të Kosovës për trajtimin e nevojshëm mjekësor”, tha ai.

Policia shtoi se po ndërmerre veprime hetimore për të sqaruar rrethanat e kësaj ngjarjeje.

Në Kosovë llogaritet se në duart e qytetarëve janë mijëra armë zjarri pa leje.

Ekspertët kanë argumentuar se është i nevojshëm konfiskimi i tyre me qëllim që të ulet numri i incidenteve të armatosura.

Të shtëna me armë po raportohet të ketë ndodhur sot në qendër të Podujevës, ndërsa njësitet policore dhe ambulanca janë në vend të ngjarjes.

Kaltrina Shala, zëdhënësja e Prokurorisë Themelore të Prishtinës ka bërë të ditur se pas pranimit te informatës nga Policia e Kosovës, Prokurori kujdestar nga Departamenti për Krime të Renda ka dalë menjëherë në vendin e ngjarjes.

“Lidhur me rastin ju njoftojmë se pas pranimit të informatës nga Policia e Kosovës, Prokurori kujdestar nga Departamenti për Krime të Rënda, ka dalë menjëherë në vendin e ngjarjes, me qëllim të ndërmarrjes së veprimeve hetimore për zbardhjen e rrethanave të kësaj ngjarje”, tha Shala.

Siç tha ajo deri më tani këto informata i posedojnë: "Për më shumë informacione ju njoftojmë me kohë".

Media ka kontaktuar me Policinë e Kosovës dhe është në pritje të një përgjigje.

Ndërkaq, sipas raportimeve të para nga mediat lokale disa persona kanë mbetur të plagosur dhe janë parë të shtrirë në shesh, mirëpo dyshohet edhe për të vdekur.