Policia rajonale e Prizrenit njofton se pas një hetimi disa ditësh rreth rastit të shkaktimit të rrezikut përgjithshëm që pati ndodhur në rrugën “Adem Jashari” në Prizren, ku u patën lënduar dy persona ka arrestuar dy të dyshuar me mbiemër Laçi.
Sipas policisë, pas intervistave në prani të avokatëve mbrojtës, është informuar prokurori i shtetit i cili ka nënshkruar urdhrin për masën e arrestit policor për dy të dyshuarit.
Po ashtu është sekuestruar edhe një pistoletë me gjashtë fishekë e cila dyshohet të jetë përdorur në rast.
