Një turiste gjermane është plagosur aksidentalisht në Valbonë. Policia e Tropojës bën me dije se në vendin e quajtur Kërshi i Odës, në Çerem, është rrëzuar aksidentalisht në pyll shtetasja e huaj A.D., 48 vjeçe, banuese Hofheim-Gjermani, e cila ndodhej si turiste në Valbonë së bashku me bashkëshortin.
Shërbimet e Policisë Kufitare kanë mbërritur menjëherë në vendngjarje duke i dhënë asaj ndihmën e parë. Shtetasja në fjalë është transportuar me ambulancë drejt Spitalit Civil Tropojë, ku ndodhet jashtë rrezikut për jetën.