Shkodër- I ka ndërprerë energjinë elektrike dhe çështjen ka synuar ta zgjidhë me anë të thikës. Është ky shkaku i vrasjes me thikë të 55-vjeçarit Zamir Volaj, me detyrë punonjës i OSSHE-së në Shkodër.
Autori i vrasjes është Martin Zefi rreth 47 vjeç, banues në Oblikë të Anës së Malit në Shkodër.
Nga sa mësohet, disa ditë më parë Zamir Volaj ka shkuar në banesën e tij në zonën e palleteve të Oblikës dhe për shkak të borxhit që 47-vjeçari Marin Zefi kishte ndaj operatorit të shpërndarjes, i ka ndërprerë energjinë elektrike.
Martin Zefi duke qenë se punonjësi i OSSHE-së ka qenë në zonë për efekt pune, ky i fundit është përplasur me 47-vjeçarin, fillimisht duke u konfliktuar e më pas debati ka degjeneruar deri në përdorimin e thikës nga ana e Martin Zefit.
Punonjësi i OSSHE-së është dërguar në spitalin e Shkodrës, nga ku mësohet se ka ndërruar jetë, ndërsa policia ka bërë të mundur arrestimin e 47-vjeçarit Martin Zefi, i cili është edhe autori i plagosjes.
Në zonën e pallateve të Oblikes ka pasur vazhdimisht konflikte mes banorëve dhe OSSHE-së për shkak se kjo zonë është debitore ndaj operatorit të shpërndarjes.