Gjykata e Tiranës dha sot masën e sigurisë “arrest me burg”, për shqiptarin nga Maqedonia.
Imërli Avmeti me banim në Gostivar u arrestua në kryeqytet pasi dyshohet se ka qenë pjesë e formacioneve të ISIS.
Arrestimi i 46-vjeçarit u bë pas një urdhër arresti ndërkombëtar të lëshuar nga Prokuroria Maqedonase.
Mësohet se Avmeti i ka shpëtuar arrestimit një vit më parë në vendin e tij dhe që prej asaj kohe dyshohej se fshihej në Tiranë.
Identifikimi dhe arrestimi i 46-vjeçarit mësohet se është bërë në bazë të informacioneve të marra nga shërbimet sekrete të dy vendeve.
