(E plotësuar) - Si edhe raportuam më herët, një person rreth moshës 25-26 vjeçare ka hyrë i armatosur në ambientet e Bankës Kombëtare tregtare në qendër të Prishtinës, dhe ka kërcënuar stafin e pranishëm.
Daut Hoxha, zëdhënës i policisë së Kosovës, tha se Policia ka marrë një informacion për grabitje në Bankën Kombëtare Tregtare.
Personi që ka tentuar grabitjen është i moshës 25-26 vjeç. Hoxha tha se nuk ka pasur të lënduar dhe personi i dyshuar për grabitje ka ikur nga vendi i ngjarjes, dhe Policia është duke u marrë me rastin.
Në qendër të Prishtinës një mashkull kërcënon me armë një femër
Në qendër të Prishtinës, tek sheshi ‘Nënë Tereza’, tek zyrat e BKT-së, policia ka rrethuar hapësirën, ngase aty dyshohet për një kërcënim me revole.
Një mashkull i armatosur, ka kërcënuar një femër, dhe skena e kërcënimit dukej si në filma triler, thonë dëshmitarë që e panë ngjarjen nga afër.
Megjithatë krejt çfarë ka marrë nga Policia e Kosovës është deklarimi se po hetohet rasti dhe Policia kërkojnë privatësi në kryerjen e hetimeve.