Turistja çeke që u vetëhodh sot në mesditë nga 15-katëshi, duke lënë pas edhe një letër nuk e kishte të parën tentativë për t’i dhënë fund jetës. 9 ditë më parë ajo raportohet të jetë shpëtuar nga mbytja në det.
Ndërsa ndodhej në Durrës, Hana Demeterova ka tentuar të mbytet, por disa kalimtarë te rastësishëm, u e nxorën nga deti, duke i shpëtuar jetën.
Burime të policisë thanë për BalkanWeb se, 52-¬vjeçarja vuante nga problemet mendore dhe se në breg
të detit gjetën edhe një sasi medikamenti, Diapezon.
52-¬vjeçarja çeke Hana Demeterova rezulton të jetë një aktiviste për mbrojtjen e të drejtave të refugjatëve dhe ka kryesimin e organizatës “Help a man”. Edhe në postimet në profilin e saj në Facebook, të shumta janë fotot e fëmijëve që janë viktima të luftës.
52-¬vjeçarja shfaqet shumë e ndjeshme, me postimet e saj nga konfliktet e përgjakshme nëpër botë, nga Ukraina deri në Siri. Por nuk mungojnë as fotot apo videot me kafshët.
E këtë ndjeshmëri gruaja me sytë e brishtë duket se e ka shprehur edhe në letrën e saj të lamtumirës ku kërkonte që organet e saj t’i përdornin njerëzit në nevojë.
Në lidhje me të, media çeke ka shkruar për një serë historish mashtrimi ku janë përfshirë disa persona nga Praga, por edhe Shqipëria.