Një i ri është vetëplagosur me armë zjarri në fshatin Zhapokikë të Memaliajt.
“Oldian Kalemi, 22 vjeç, banues në Sarandë, gjatë ditës së djeshme në vendlindjen e tij, fshati Zhapokikë, Memaliaj, është vetëplagosur aksidentalisht në këmbë me armë gjahu, të cilën e dispononte pa leje”, thuhet në njoftimin e policisë.
Ai u dërgua në spital për marrjen e ndihmës së nevojshme, ndërsa në cilësinë e provës materiale u sekuestrua arma e gjahut. Ndaj 22-vjeçarit nisi procedimi penal, ndërsa materialet i kaluan Prokurorisë së Gjirokastrës, për ndjekje të mëtejshme.