Më shumë se 15 persona janë vënë në pranga gjatë një operacioni në Bari, ku shumica prej të arrestuarve janë shqiptarë.
Siç shkruan agjencia italiane Ansa, personat e arrestuar transportonin kanabis dhe armë nga Shqipëria për në Itali.
Hetimet për këtë organizatë kishin nisur që në vitin 2015 nën drejtimin e kreut të Antimafias së Barit, Giuseppe Maralfa. Nga hetimet është dokumentuar trafikimi i dhjetëra kuintalëve kanabis nga Shqipëria dhe kokainë nga Roma, Milano e Palermo.
Gjatë hetimit, janë arrestuar 15 trafikantë, shqiptarë dhe sekuestruar 15 kilogramë kokainë e 1 ton kanabis sativa.
Gjithashtu kanë kapur më shumë se 70 armë, mes të cilëve Kallashnikovë, mitralozë, pushkë, pistoleta me silenciator e 3500 municione.
Këto janë rezultatet e hetimit të zhvilluar prej më shumë se 1 viti nga Antimafia e Barit.
