Ishte bashkëshortja e tij që e denoncoi për dhunë në familje. Policia e Elbasanit ka arrestuar 31-vjeçarin Ervis Zenelhoxha. Bashkëshortja e tij 29 vjeçe e denoncoi se ushtronte dhunë fizike dhe psikologjike.
Pas kontrollit në banesë policia zbuloi një arsenal armësh. Nisur nga armët e gjetura policia po heton në dy pista. E para Ervis Zenelhoxha dyshohet për vrasës me pagesë dhe pista tjetër ajo e shitjes së armëve.
Policia gjeti në banesën e 31-vjeçarit:
-Pistoletë tip “ZASTAVA”, e kalibrit 7.65mm, me 1 krehër me 5 fishekë të kalibrit 7.65mm
-Pistoletë tip “ZASTAVA” e kalibrit 6.55mm, me 1 krehër me 5 fishekë të kalibrit 6.35mm
-15 copë fishekë të kalibrit 7.65mm
-32 copë fishekë model 54 të kalibrit 7.62mm
-1 krehër automatiku tip P.P.S model 54, kalibri 7.62mm me 20 copë fishekë
-1 qese ambalazhi plastike brenda së cilës ndodhen 15 djegore predhash luftarake
-3 copë djegore alumini predhash luftarake të mbështjella së bashku, ku në fundin e njërës prej tyre është montuar një fitil zjarr përcjellës
-3 copa fitili zjarrpërcjellës
-5 copë kapsolla detonator alumini
-1 palë doreza kirurgjikale të përdorura
-1 palë vegla pastrimi për armët e zjarrit me tytë të gjatë.
