Një drejtues automjeti është gjobitur nga punonjësit e policisë rrugore të Tiranës pasi nuk ka respektuar sinjalistikën rrugore, duke shkelur semaforin. Drejtuesi i mjetit është dërguar në Komision (OASH) nga punonjësi i Policisë Rrugore.
Megjithëse shoferi fillimisht nuk e pranon, polici thotë se është evidentuar nga kamerat e Policisë së Shtetit dhe i merr dokumentet, duke e dërguar në OASH (Organi Administrativ Shtetëror).
Ja biseda mes shoferit dhe policit:
Polici: Përshëndetje!
Qytetari: Mirë si kaloni!
Polici: Mirë, semafori i kuq është arsyeja e ndalimit.
Qytetari: Jo mo, po pulsonte, ishte me portokalli.
Polici: Na jep pak dokumentet!
(shoferi nxjerr dokumentet, efektivët i kontrollojnë)
Polici: Je në monitorim të kamerave të Policisë së Shtetit. Je konstatuar me semafor të kuq. Urdhëro dokumentet, të plotësoj procesverbalin. (shoferi firmos)
Polici: Do paraqitesh brenda 10 ditëve tek Policia Rrugore.
