Pamjet teksa një polic britanik godet një person në pranga të shtrirë në tokë kanë bërë xhiron e botës brenda një kohe të shkurtër.
Ngjarja raportohet të ketë ndodhur në Ruislip, në Londrën perëndimore, pasi efektivët kanë neutralizuar burrin e dyshuar për sjellje të dhunshme.
Videoja e cila është filmuar nga një kalimtar, tregon të dyshuarin pa bluzë të shtrirë në tokë nga 4 policë dhe njëri prej tyre e godet me grushta dhe e ofendon rëndë.
Pas publikimit të pamjeve, ende nuk ka një reagim zyrtar nga rajoni i policisë londineze, por nga sa kuptohet nga videoja bëhet fjalë për një emigrant i quajtur Gustavo.