Policia zbardhi sot ngjarja e ndodhur 4 ditë më parë ku mbeti i vdekur Punonjësi i Policisë së Burgut të Fushë - Krujës.
Forcat blu gjetën të braktisur mjetin që shkaktoi aksidentin, ndërsa shpallën në kërkim autorin.
“Specialistët për Krimet në Komisariatin e Policisë Krujë në bashkëpunim me Efektivat e Policisë Ishëm, pas një pune hetimore intensive dhe kërkimeve të pandërprera në terren kanë zbuluar ngjarjen e ndodhur 4 ditë më parë, ku mbeti i vdekur një Punonjës Policie i Burgut të Fushë-Krujës, shtetasi V.D. 50 vjeç.
Në vijim të kërkimeve në një shtrirje të gjerë territoriale bëjmë me dije se në Shkafane, Ishëm është gjetur i braktisur mjeti që ka përplasur për vdekje shtetasin e mësipërm.
Mjeti është tip BMW, seria 5 E60, me targa AA 903 OV. Autori, i cili ka shkaktuar aksidentin është identifikuar nga uniformat blu dhe po punohet për kapjen e tij, konkretisht A. P. 27 vjeç, banues në Krujë.
Dosja i ka kaluar Prokurorisë së Krujë s për veprime të mëtejshme”, njofton policia.
