Dy shqiptarë janë arrestuar nga policia italiane, pasi janë kapur me 3.5 kg marijuanë si dhe 42 mijë euro para të gatshme, para të cilat dyshohet se janë fituar nga shitja e lëndëve narkotike.
Operacioni i policisë u ndërmor në Cornuda, ku banonte 29 vjeçari shqiptar si dhe në Crocetta del Montello, ku banonte shqiptari tjetër i arrestuar, 35 vjeçar.
Operacioni për arrestimin e tyre u bë pas disa ditëve nën vëzhgim ndaj dy të dyshuarve, të cilët takoheshin vazhdimisht në bare dhe vende të tjera në zonë me klientët e drogave të lehta.
Me ndihmën e një qeni të drogës të karabinierëve të Padovas, gjetën edhe 500 gram marijuanë, 5 gram kokainë si dhe 10,510 euro, ndërsa në shtëpinë tjetër u gjetën 3 kg marijuanë si dhe 32,300 euro.
