Policia ka gjetur tek i dyshuari kartëmonedhën 20 frangëshe, që dyshohet se ia ka marrë ryshfet viktimës.
Policia e Kosovës njofton për një rast të dyshuar të marrjes së ryshfetit në pikën kufitare Dheu i Bardhë.
Sipas raportit policor, rasti është raportuar dje rreth orës 13:10.
Në raportin e përditshëm policor thuhet se i dyshuari mashkull K-Shqiptar dyshohet se nga viktima mashkull K-Shqiptar, kishte kërkuar 20 € ryshfet, ndërsa viktima i kishte dhënë 20 CHF (franga zvicerane).
Njësitet policore në vendin e ngjarjes tek i dyshuari kanë gjetur dhe konfiskuar një kartëmonedhë prej 20 CHF që dyshohet se i dyshuari e kishte marrë nga viktima.
Me urdhër të prokurorit rasti vazhdon në procedurë të rregullt.
